D‘r Bäbber / ein Aufkleber

A Bäbber isch a Doil was hendadruff bäbbig isch.

Et älles was bäbbig isch, isch au a Bäbber.

Ischs vornadruff bäbbig, ischs dreckig, aber koin Bäbber.

A richtiger Bäbber isch erscht a Bäbber, wenn er wo druffbäbbt.

Ond ohne dass es hendadruff bäbbig isch, bäbbts et ond isch deshalb au koin Bäbber.

Mr nemmt also a Stickle wo a Bäbber werra soll,
machts hentadruff bäbbig ond no ischs a Bäbber.

Wenn a Bäbber wo druff bäbbt, no isch des Doil bäbbat.

Scheene Bäbber nennt mer au Schdigger ond die werrad gsammelt.

So a Schdiggersammlung beschdoht braktisch aus lauter Bäbber!